‘फुटबल जगतकै उत्कृष्ट हुन मेस्सीले विश्वकप जित्नै पर्दैन’

काठमाडौं । अर्जेन्टिनाका पूर्वखेलाडी हर्नान क्रेस्पोले मेस्सी फुटबल जगतकै उत्कृष्ट खेलाडी रहेको र त्यसका लागि उनले विश्वकप जित्नै पर्ने नभएको बताएका छन् ।

रसिया विश्वकपको आफ्नो पहिलो खेलमा मेस्सीले पेनाल्टीमा पनि गोल गर्न नसकेपछि अर्जेन्टिना आइसल्याण्डसँग १-१ को बराबरीमा रोकिएको थियो । खेलपछि मेस्सीले क्लब फुटबलमा मात्रै राम्रो गर्ने तर, राष्ट्रिय टिमलाई उपाधि दिलाउन नसक्ने भन्दै आलोचना भएको थियो ।

३० वर्षका मेस्सीले स्पेनिस क्लब बार्सिलोनामा १४ सिजनमा ३२ क्लब उपाधि र फुटबलमा व्यक्तिगत रुपमा दिइने ठूलो अवार्ड बालोन डि’ओर पाँच पटक जितिसकेका छन् ।

‘धेरै खेलाडी छन् जसले विश्वकप जितेका छैनन् तर उनीहरु महान छन्’ क्रेस्पोले बीबीसीसँग भनेका छन्, ‘मेस्सी गजबमा खेलाडी हुन् । उनी खेलिरहेको हेर्न असाध्यै रमाइलो हुन्छ । उनी विश्वकप जित्न योग्य पनि छन् ।’

‘उनले विश्वकप जिते भने त राम्रो भइहाल्यो तर जितेनन् भने पनि उनी उत्कृष्ट खेलाडी नरहने भन्ने हुँदैन’ उनले भने ।

रसिया विश्वकप मेस्सीको चौथो विश्वकप हो । सन् २००६ र २०१० मा मेस्सीसहितको अर्जेन्टिना क्वाटरफाइनलमा र २०१४ मा फाइनलमा पराजित भएको थियो । सन् २०१४ मा मेस्सीले विश्वकपकै उत्कृष्ट खेलाडी हुँदै गोल्डेन बल पनि जितेका थिए ।

क्रेस्पो अर्जेन्टिनाबाट धेरै गोल गर्ने तेस्रो खेलाडी हुन् । उनले अर्जेन्टिनाका लागि खेलेका ६४ खेलमा ३५ गोल गरेका छन् ।

साथै क्रेस्पोले मेस्सीले राष्ट्रिय टिमबाट उपाधि जित्न नसक्नुमा मैदानबाहिरका कुराहरु पनि मुख्य रहेको बताएका छन् । ‘हामीले उनलाई केही मद्धत नै गरेका छैनौँ । मेरो मतलब प्रशिक्षक, हाम्रो फुटबल फेडेरेसनका प्रमुख कसैले पनि उनलाई ध्यान दिएका छैनन्’ क्रेस्पोले भने ।

उनले अघि भने, ‘अचम्मको कुरा छ । अहिले विश्वकै महत्वपूर्ण खेलाडी हुन् मेस्सी तर हामीले उनलाई केही मद्धत गर्न सकेका छैनौँ । उनी जसरी हुन्छ जित्नै पर्छ भन्नेमा छन् त्यसैले दबाव महशुस गरेका छन् ।’

प्रतिकृया दिनुहोस

‘फुटबल जगतकै उत्कृष्ट हुन मेस्सीले विश्वकप जित्नै पर्दैन’

बलिउड अभिनेता शाहरुख खानकी छोरी सुहाना यतिबेला एक तस्वीरका कारण चर्चामा छिन् । तस्वीरमा उनले एक विदेशी युवकलाई अंगालोमा बेरेको देखिन्छ । यसअघि

‘फुटबल जगतकै उत्कृष्ट हुन मेस्सीले विश्वकप जित्नै पर्दैन’

५ असार, काठमाडौं । अष्ट्रेलियाको एक अदालतले आइफोन निर्माता कम्पनी एप्पललाई पचास लाख अमेरिकी डलर (९० लाख अष्ट्रेलियन डलर) जरिवाना तिराउने फैसला गरेको छ

‘फुटबल जगतकै उत्कृष्ट हुन मेस्सीले विश्वकप जित्नै पर्दैन’

काठमाडौं । विश्वकपको पहिलो खेलमा स्वीट्जरल्याण्डसँग १-१ को बराबरीमा रोकिए पनि अघिल्लो चरणमा जान चिन्ता नरहेको ब्राजिलियन खेलाडीले बताएका छन् ।

http://bhorukawafm.org.np/